"Young Lions Azerbaijan 2024" Yaradıcılıq Müsabiqəsi həyəcanı başlayır!

Young Lions Competitions Azerbaijan 2024
 

Azərbaycan 2024-cü ildə keçirilən “Young Lions Competition”ın finalında Print, Dizayn və Film kateqoriyalarında üç komanda ilə iştirak edəcək. Qeyd edək ki, ölkəmiz ilk dəfə Dizayn kateqoriyasında mübarizəyə qoşulur.  
 

Reklam və marketinq kommunikasiyaları sahəsində gənc mütəxəssislər arasında keçirilən müsabiqədə iki nəfərdən ibarət komandaya kreativ işin yaradılmasına 24 saatdan 48 saata kimi vaxt veriləcək. Göndəriləcək işlər yerli və beynəlxalq münsiflər tərəfindən dəyərləndiriləcək. Hər kateqoriya üzrə ən çox bal toplamış komanda müsabiqədə qalib gəlir. Qalib komandanın üzvləri 17-21 iyun tarixlərində “Young Lions Competition”ın keçiriləcək finalında çıxış etmək hüququ qazanır.

"Young Lions Azerbaijan" layihəsinin tərəfdaşları Azərbaycan Respublikası Mədəniyyət NazirliyiYaradıcıSOCAR PolymerCode Academy və Birbank-dır.

"Young Lions Azerbaijan" müsabiqəsinin şərtləri
Qeydiyyat

"Young Lions Azerbaijan 2024" müsabiqəsində iştirak meyarları aşağıdakı kimidir: 

- İki nəfərdən ibarət komanda yaratmaq;

- İştirak qaydalarını diqqətlə oxumaq;

- Qeydiyyat üçün ərizə doldurub təşkilatçıya təqdim etmək;

Qeydiyyat üçün müraciətlər üç kateqoriya üzrə qəbul olunur: Print, Dizayn və Film. Qeydiyyat ərizələrinin qəbulu 27 mart 2024-cü il, Çərşənbə, Bakı vaxtı ilə saat 23:59-da başa çatır.

İştirak meyarları

Müsabiqəyə kreativ sahədə çalışan mütəxəssislər — reklam və ya digital agentliklərin əməkdaşları, studiya və ya prodakşn şirkətinin əməkdaşları və eyni zamanda frilanserlər də qatıla bilərlər.

Komandanın üzvləri eyni şirkət əməkdaşları olmaya da bilər.

Komandanın hər iki iştirakçısı “Young Lions” müsabiqəsinin beynəlxalq meyarlarına cavab verməlidir:

- Print, Dizayn və Film kateqoriyalarında yarışan iştirakçıların doğum günü 21.06.1993-dən sonrakı tarixdə (30 və daha aşağı yaş) olmalıdır;

- İştirakçı Azərbaycan Respublikasının vətəndaşı olmalıdır;

- İştirakçı İngilis dilini yaxşı başa düşməli və danışmalıdır.

Kateqoriyalar

Müsabiqənin hər bir iştirakçısı bir kateqoriya (Print, Dizayn və Film) üzrə qeydiyyatdan keçə bilər. Müsabiqədə yalnız qeydiyyatdan keçmiş komandalar iştirak edə bilər. 

Hər bir kateqoriyada ən azı 10 komanda qeydiyyatdan keçməlidir. Bir kateqoriyada iştirak edən komanda sayı 10-dan az olduqda, həmin kateqoriya üzrə müsabiqə keçirilməyəcəkdir.

 

Brif

Hər kateqoriya üçün təmin edilən brifə ingilis dilində məlumat, eləcə də iştirakçıların üzərində işləyəcəkləri məqsəd və vəzifələr daxildir. Brif müsabiqə cədvəlinə uyğun olaraq təqdim olunacaq:

Print, Dizayn və Film kateqoriyaları üzrə iştirakçılar 30 mart tarixində brifi həm online qaydada, həm e-mail vasitəsilə elektron formada alacaqlar. Print kateqoriyası üzrə brif toplantısı Bakı vaxtı ilə saat 14:00-da, dizayn kateqoriyası üzrə isə 15:30-da, film kateqoriyası üzrə isə 17:00-da Zoom-da online qaydada baş tutacaq. Print kateqoriyası üzrə işin ən gec təhvil verilmə vaxtı 31 mart saat 14:00, dizayn kateqoriyası üzrə işin ən gec təhvil verilmə vaxtı 31 mart saat 15:30, film kateqoriyası üzrə işin ən gec təhvil verilmə vaxtı isə 1 aprel saat 17:00-dır.

Təqdim edilən işlərin formatı

Müsabiqə çərçivəsində yaradılan bütün işlər müvafiq briflərdə göstərilən tələblərə uyğun olmalıdır.

Münsiflər heyəti

4-12 aprel 2024 tarixləri arasında təşkilatçı tərəfindən seçilmiş münsiflər heyəti üç kateqoriyanın hər birində qalib gələn komandaları müəyyənləşdirəcək. Münsiflər heyətinin qərarı müzakirə olunmur və dəyişdirilə bilməz. Təşkilatçı münsiflər heyətini seçmək və zəruri hallarda dəyişdirmək hüququna malikdir.

Qaliblər

Münsiflər Heyəti hər üç kateqoriya üzrə iki iştirakçıdan ibarət qalib komandanı müəyyənləşdirir.

Müsabiqənin əsas mükafatı

Müsabiqənin əsas mükafatı Print, Dizayn və Film kateqoriyalarında hər kateqoriya üçün iki nəfərdən ibarət komandanın "Young Lions Competitions 2024" finalında iştirak etmək hüququdur. Qaliblərin festivalda iştirak, yol və qalmaq xərcləri tərəfdaşlar tərəfindən qarşılanacaq.

Müəllif və istifadə hüquqları

Müsabiqə iştirakçıları Print, Dizayn və Film kateqoriyalarının hər birində ortaya qoyduqları işlərdə istifadə etdikləri bütün materialların (fotoşəkillər, illüstrasiyalar, musiqi və s.) üçüncü tərəflərin müəllif və mülkiyyət hüquqlarını pozmadığına və işlərinə dair hər hansı bir iddianın olmadığına razıdırlar. Təqdim olunan hər hansı bir işdə üçüncü şəxslərin materiallarından qanunsuz istifadə olunduğu halda, təşkilatçı həmin işi müsabiqədən kənarlaşdıra bilər. “Young Lions Azerbaijan 2024” müsabiqəsində təqdim olunan bütün işlərin müəllifliyi və həmmüəllifliyi iştirakçıların ixtiyarındadır, lakin işlər kommersiya məqsədləri üçün istifadə edilə bilməz. Müsabiqəyə işlərini təqdim edən iştirakçılar, brif verən tərəfdaşlara (red. YaradıcıSOCAR PolymerCode Academy) işlərini istənilən formada dəyişdirmək və nəşr etmək üçün məhdudiyyətsiz hüquq verirlər.

Müsabiqənin qaydaları ilə razılıq

Qeydiyyat üçün ərizə dolduraraq iştirakçılar Azərbaycanda təşkilatçı tərəfindən keçirilən “Young Lions Azerbaijan 2024” qaydaları ilə razılaşırlar.

“Həyatımda etdiyim ən yaxşı seçimlərdən biridir” – Fibi Sloun, Young Lions Akademiyasının məzunu.
Bu il “Cannes Lions” Beynəlxalq Yaradıcılıq festivalının gənc reklam mütəxəssislərinə yönəlmiş “Young Lions Azerbaijan 2024” müsabiqəsinin tərəfdaşları Azərbaycan Respublikası Mədəniyyət Nazirliyi, Yaradıcı, SOCAR Polymer, Code AcademyBirbank-dır. “Young Lions Azerbaijan 2024” 30 yaşadək gənc aslanları özünü göstərməyə və “Cannes Lions” həyəcanına səsləyir!
"Young Lions Azerbaijan 2024"də kateqoriya seçimi və qeydiyyat
Bu kateqoriyalarda qalib gələn komandalar 17-21 iyun 2024-cü il tarixlərində Fransanın Kan şəhərində keçiriləcək “Young Lions Competition” finalında mübarizə aparmaq imkanı əldə edəcək və baş tutacaq festivalda iştirak hüququ qazanacaqlar.

"Young Lions Azerbaijan 2024" qaliblərinin elanı 13 aprel tarixində ediləcək.

Müsabiqənin heşteqi: #YoungLions2024 | #YoungLionsAzerbaijan

Müsabiqə cədvəli

2024-02-01
Cümə axşamı
2024-02-01 - 2024-02-01
Cümə axşamı
Tərəfdaşlıq elanı

“Young Lions Azerbaijan” gənc aslanları özünü göstərməyə və “Cannes Lions” həyəcanına səsləyir!

2024-02-15
Cümə axşamı
15:00:00
2024-02-15 - 2024-02-15
Cümə axşamı
15:00:00
Müsabiqə elanı və qeydiyyatın başlanması (online)

Qeydiyyat üçün müraciətlər üç kateqoriya üzrə qəbul olunur: Print, Dizayn və Film. Qeydiyyat ərizələrinin qəbulu 19 fevral 2024-cü il, Cümə axşamı, Bakı vaxtı ilə saat 15:00-da başlayır. Bir komanda üçün iştirak haqqı 70 AZN təşkil edir. 

2024-02-20
Çərşənbə axşamı
2024-02-20 - 2024-02-20
Çərşənbə axşamı
Münsiflər heyətinin elanı (online)

Yerli və beynəlxalq münsiflər heyətinin tərkibi elan edilir.

2024-02-29
Cümə axşamı
2024-02-29 - 2024-02-29
Cümə axşamı
Tədbir biletlərinin satışının elanı (Inspiration Stage & Awards Ceremony)

Tədbirdə iştirak bilet ilə nəzərdə tutulub. 

2024-03-27
Çərşənbə
23:59:00
2024-03-27 - 2024-03-27
Çərşənbə
23:59:00
Qeydiyyatın başa çatması (online)

Qeydiyyat 27 mart çərşənbə, Bakı vaxtı ilə saat 23:59-da başa çatır.

2024-03-30 - 2024-04-01
Şənbə
15:00:00
2024-03-30 - 2024-03-30
Şənbə
15:00:00
Yerli müsabiqə

Print, Dizayn və Film kateqoriyaları üzrə iştirakçılar 30 mart tarixində brifi həm online qaydada, həm e-mail vasitəsilə elektron formada alacaqlar. Print kateqoriyası üzrə brif toplantısı Bakı vaxtı ilə saat 14:00-da, dizayn kateqoriyası üzrə isə 15:30-da, film kateqoriyası üzrə isə 17:00-da Zoom-da online qaydada baş tutacaq.

2024-04-04 - 2024-04-12
Cümə axşamı
2024-04-04 - 2024-04-04
Cümə axşamı
Münsiflərin qiymətləndirmə prosesi (Online)
2024-04-13
Şənbə
2024-04-13 - 2024-04-13
Şənbə
Inspiration Stage — Qaliblərin elanı
2024-06-17 - 2024-06-21
Bazar ertəsi
2024-06-17 - 2024-06-17
Bazar ertəsi
Beynəlxalq Müsabiqə (Cannes)
SUALLAR
Suallarınıza cavab tapmasanız, bizimlə əlaqə saxlayın
E-mail: info@canneslions.az
Telefon: +994 55 703 11 20